എന്‍റെ ദൈവം എല്ലാനാളും അനന്യൻ

എന്‍റെ ദൈവം എല്ലാനാളും അനന്യൻ തന്നെ
അണച്ചിടും അനുദിനം ചിറകടിയിൽ

ഏഴകളിൻ ഭാരം നിത്യം ചുമക്കുന്നതാൽ
ഏതുനേരത്തും ഞാൻ നിന്നെ സ്തുതിച്ചിടുമെ
നാവു പോരാ വർണ്ണിച്ചിടാൻ നന്മ ഓരോന്നും
നന്ദികൊണ്ടെന്‍റെ ഉള്ളം നിറയുന്നപ്പാ;-

കഷ്ട നഷ്ട രോഗദു:ഖം വന്നിടുന്നേരം
ഇഷ്ടനായകനാം യേശു ആശ്വാസമേകും
കഷ്ടത ഏറ്റ പ്രിയൻ കൂടെയുള്ളതാൽ
പോയിടാം ധൈര്യമായെൻ നാഥൻ പാതയിൽ;-

എന്നുകേൾക്കും പ്രിയൻ ശബ്ദം വാനവിരവിൽ
അന്നുമാറുമെന്‍റെ കണ്ണീർ സമ്പൂർണ്ണമായി
മണിയറവാസം ഭൂവിൽ ആനന്ദിച്ചീടാൻ
വാഞ്ചിക്കുന്നെന്‍റെ ഉള്ളം ദിനം ദിനമായ്;-