എന്‍റെ നവിൽ പുതു പാട്ട്

എന്‍റെ നവിൽ പുതു പാട്ട്
യേശു രാജൻ തരുന്നിതാ

ആനന്ദത്തോടെ ഞാൻ പാടി സ്തുതിച്ചിടും
ജീവനുള്ള കാലമെല്ലാം-ഹല്ലേലുയ്യാ

പാപാന്ധകാരത്തിൽ ഞാൻ ആണ്ടുപോയപ്പോൾ
പാതകനാം എന്നെ നാഥൻ വീണ്ടെടുത്തല്ലോ;- ആനന്ദ…

ബാധ വ്യാധി പീഡകളാൽ ഞാൻ വലഞ്ഞപ്പോൾ
പാതകാട്ടി ദുഃഖമെല്ലാം പോക്കി രക്ഷിച്ചു;- ആനന്ദ…

ചേറ്റിൽ വീണ എന്നെ അവൻ കോരി എടുത്തു
നാറ്റമെല്ലാം ജീവ രക്തം കൊണ്ടു മായിച്ചു;- ആനന്ദ…

മാതാ പിതാ ഉറ്റ സഖി സർവ്വമേകിയ
മന്നവനെ എന്നെന്നും ഞാൻ വാഴ്ത്തി സ്തുതിക്കും;- ആനന്ദ…

ഇഹലോക പാടു എന്നെ എന്തു ചെയ്തിടും
സ്വർലോക സഖിയെക്കാണാൻ കംക്ഷിച്ചീടുന്നു;- ആനന്ദ…