എന്തും സാധ്യമാണെന്നുള്ളം ചൊല്ലുന്നു

എന്തും സാധ്യമാണെന്നുള്ളം ചൊല്ലുന്നു
എന്നും യേശു എന്‍റെ കൂടെയുണ്ടെങ്കിൽ
ഭയം തെല്ലും വേണ്ടെന്നുള്ളം ചൊല്ലുന്നു
എന്നും താതൻ എന്‍റെ കൂടെയുണ്ടെങ്കിൽ

അന്ധകാരകുഴിയിൽ ഞാൻ ആണ്ടു പോയാലും
അമ്പേയെൻ ജീവിതം തകർന്നെന്നാലും
ആദിയന്തം കൂടെ നിൽക്കും അരുമനാഥൻ
ആഴത്തിൽ നിന്നെന്നെ ഉയർത്തിടുവാൻ

പാപശാപ ബന്ധനത്താൽ മുറുകിയെന്നാലും
സാത്താന്‍റെ ജല്പനത്തിൽ വീണു പോയാലും
വീരനെപോലെ കൂടെ നിൽക്കും അരുമനാഥൻ
ശത്രു കെട്ടും കോട്ടയെല്ലാം തകർത്തിടുവാൻ;-

മാറാരോഗം വന്നെൻ ദേഹം ക്ഷയിച്ചെന്നാലും
മരണത്തിൻ പിടിയിൽ ഞാൻ അമർന്നെന്നാലും
വൈദ്യനെപ്പോലെ കൂടെ നിൽക്കും അരുമനാഥൻ
വേഗമെന്നിൽ സൗഖ്യമേകി കരുത്തേകിടാൻ;-