എത്ര സൗഭാഗ്യമേ എത്ര സന്തോഷമേ

എത്ര സൗഭാഗ്യമേ എത്ര സന്തോഷമേ
ക്രിസ്തീയ ജീവിതം ഭൂമിയിൽ
ഇത്ര നല്ലവനാം ഇത്ര വല്ലഭനം
യേശു ദൈവമായ് ഉള്ളതിനാൽ

നല്ല സ്നേഹിതനായ് നല്ല പാലകനായ്
ഇല്ല യേശുവേ പോലൊരുവൻ
എല്ലാ നേരത്തിലും ഏതു കാര്യത്തിലും
വല്ലഭൻ വേറെ ആരുമില്ല;-

ക്രൂശിന്‍റെ പാതയിൽ പോയിടും ധൈര്യമായ്
ക്ലേശങ്ങൾ ഏറെ വന്നിടിലും
ശാശ്വത പറയാം യേശുവിൽ കണ്ടിടും
ആശ്വാസത്തിന്‍റെ പൂർണ്ണതയും;-

ഭാരങ്ങൾ വന്നാലും രോഗങ്ങൾ വന്നാലും
തീര ദുഃഖങ്ങൾ കൂടിയാലും
പരനേശുവിന്‍റെ കരമുള്ളതിനാൽ
ധരണിയിൽ ഖേദമില്ല;-

കഷ്ടങ്ങൾ വന്നാലും കണ്ണുനീർ വന്നാലും
നഷ്ടങ്ങൾ ഏറെ വന്നിടിലും
ശ്രേഷ്ഠനാമേശുവിൽ കൃപയുള്ളതിനാൽ
സൃഷ്ടിതാവിങ്കൽ ആശ്വസിക്കും;-