ഇന്നുമെന്നും എന്നാശ്രയമായ്

ഇന്നുമെന്നും എന്നാശ്രയമായ്
ഇങ്ങിനീം യേശുമതിയാം
എന്നാധിയെല്ലാം ഒന്നായകന്നു
പോകുന്നു തൻചാരേ വരുമ്പോൾ

ഞാനാശ്രയിക്കും എൻ ദൈവമെന്നെ
അനാഥനായ് കൈവിടുമോ?
കണ്ണീർ തുടച്ചും കൈകൾ പിടിച്ചും
കാത്തിടും കൺമണിപോലെ

ജീവൻ വെടിഞ്ഞയെൻ ജീവനാഥൻ
ജീവിക്കുന്നത്യുന്നതനായ്
അവനുണ്ടെനിക്കെല്ലാമായെന്നും
അവനിയിൽ കരുതുവാനായ്

കഷ്ടതകളിൽ മാറാത്ത നല്ല
കർത്താവെനിക്കുള്ളതിനാൽ
കലങ്ങാതെയുലകിൽ പുലരുന്നു
ദിനവും കൃപയാലെ ഹല്ലെലുയ്യാ