ഇത്രത്തോളം നടത്തിയ ദൈവമേ

ഇത്രത്തോളം നടത്തിയ ദൈവമേ
ഇനിയും നടത്തിടുവാൻ ശക്തനെ
ഇദ്ധരയിൽ നന്ദിയോടെന്നെന്നും
നിന്നെ വാഴ്ത്തിപ്പാടും ഞാൻ

മരുയാത്രയിൽ ഞാൻ മരുപ്പച്ച തേടി
മാറത്തടിച്ച നേരം
മന്നതന്നു പോഷിപ്പിച്ച ജീവ നാഥനെ
വാഴ്ത്തിപ്പാടിടും ഞാൻ

പാപത്താൽ മുറിവേറ്റു പാതയിൽ വീണപ്പോൾ
പാലിപ്പാൻ വന്നവനെ
എൻ ജീവ കാലമെല്ലാം നിൻ മഹൽ സ്നേഹത്തെ
വാഴ്ത്തിപ്പാടിടും ഞാൻ

സ്വർഗീയ നാടതിൽ ഭക്തരെ ചേർക്കുവാൻ
വേഗം വരുന്നവനെ
ഇത്ര വലിയ രക്ഷ തന്ന ഇമ്മാനുവേലെ
വാഴ്ത്തിപ്പാടിടും ഞാൻ