കാൽവറി മലമുകളിൽ കണ്ടു ഞാൻ

കാൽവറി മലമുകളിൽ കണ്ടു ഞാൻ എന്നേശുവിനെ
മുൾക്കിരീട ഭാരമതിൽ എഴുന്നള്ളും രാജാവിനെ

കാൽവറി മലമുകളിൽ കണ്ടു ഞാൻ എന്നേശുവിനെ
കാരിരുമ്പിൻ ആണികളാൽ മുറിവേറ്റ കുഞ്ഞാടിനെ

കാൽവറി മലമുകളിൽ കണ്ടു ഞാൻ എന്നേശുവിനെ
മേലങ്കി പകുത്തു നൽകും ലോകത്തിന്‍റെ പാലകനേ

കാൽവറി മലമുകളിൽ കണ്ടു ഞാൻ എന്നേശുവിനെ
കയ്പുനീരും ദാഹത്തോടെ നുകരുന്ന രക്ഷകനെ

കാൽവറി മലമുകളിൽ കണ്ടു ഞാൻ എന്നേശുവിനെ
വിലാവിന്‍റെ ആഴത്തിലും സ്നേഹമൂറും പിതാവിനെ

കാൽവറി മലമുകളിൽ കണ്ടു ഞാൻ എന്നേശുവിനെ
എനിക്കായ് കുരിശിൽ മരിക്കും എന്‍റെ ജീവദായകനെ