കർത്താവിൽ സന്തോഷം അവനെൻ ബലം

കർത്താവിൽ സന്തോഷം അവനെൻ ബലം
പാരിതിൽ പാർക്കും നാൾ അവനെൻ ബലം
അവനെന്‍റെ സങ്കേതം വിശ്രമം നാൾതോറും
അവനെന്‍റെ സർവ്വവുമേ

പലനാൾ കരുതി ഞാൻ ഏകനെന്ന്
അന്നാളിലവനെന്നോടു ചൊല്ലി
ലോകാന്ത്യത്തോളവും കൂടെയിരിക്കുന്നോൻ
നിന്നോടുകൂടെയുണ്ട്;-

ബലഹീനനെന്നു ഞാൻ കരുതിയ നാൾ
അന്നാളിലവനെന്നോടു ചൊല്ലി
ശക്തനാക്കുന്നവൻ ബലം പകരുന്നവൻ
നിന്നോടുകൂടെയുണ്ട്;-

സ്നേഹിതരില്ലെന്നു കരുതിയനാൾ
അന്നാളിലവനെന്നോടു ചൊല്ലി
നിത്യമാം സ്നേഹത്താൽ നിന്നെ സ്നേഹിക്കുന്നോൻ
നിന്നോടുകൂടെയുണ്ട്;-

നിന്ദിതനെന്നു ഞാൻ കരുതിയ നാൾ
അന്നാളിലവനെന്നോടു ചൊല്ലി
ക്ഷീണിച്ചുപോകേണ്ട നിന്നെ മാനിക്കുന്നോൻ
നിന്നോടുകൂടെയുണ്ട്;-

അസാദ്ധ്യമെന്നു ഞാൻ കരുതിയനാൾ
അന്നാളിലവനെന്നോടു ചൊല്ലി
മനുഷ്യരാൽ അസാദ്ധ്യം സാദ്ധ്യമാക്കുന്നവൻ
നിന്നോടുകൂടെയുണ്ട്;-