കരുതുന്ന യേശു എന്‍റെ കൂടെയുള്ളതാൽ

കരുതുന്ന യേശു എന്‍റെ കൂടെയുള്ളതാൽ
കലങ്ങാത്ത മനമായ് ജീവിച്ചീടാം
പതറാതെ യാത്ര തുടർന്നീടുവാൻ
പരിചയായ് എൻ പ്രാണനാഥനുണ്ട്

നിന്‍റെ തിരു കൃപ എനിക്കു മതി
ബലഹീനതയിൽ ശക്തി പകർന്നു തരും
ഞാൻ സന്തോഷിക്കും ഞാൻ ആരാധിക്കും
എന്നെ സമ്പൂർണൻ ആക്കിയതാൽ (2)

ആശയില്ലാതെ എൻ പാദങ്ങൾ തെറ്റി
ആശ്രയമായി നാഥൻ മാർവിൽ ചാരി
ചെങ്കടൽ രണ്ടായി പിളർന്ന നാഥൻ
ചങ്കിലെ ചുടു ചോര നമുക്കായി ചിന്തി;-

പ്രതിഫലം നൽകുവാൻ യേശു വരും
പ്രത്യാശയോടെ ഞാൻ കാത്തിരുപ്പു
ഇഹത്തിലെ കഷ്ടത അന്നു തീരും
ഇരുളിനെ നാഥൻ അന്നു വെളിച്ചമാക്കും;-