കാത്തിരിക്കും വിശുദ്ധരെ ചേർത്തിടുവാനായ്

കാത്തിരിക്കും വിശുദ്ധരെ ചേർത്തിടുവാനായ്
കാന്തനേശു വേഗം വന്നിടും
കാഹളം ധ്വനിക്കുമ്പോൾ വാനമേഘേ ചേരുംഞാൻ
കാന്തയായ് തൻ കൂടെ വാഴും ഞാൻ

പ്രതിഫലം ഒരുക്കി പ്രിയൻ വന്നിടാൻ
നാളുകൾ വന്നടുത്തടുത്തേ
ആധിയെല്ലാം മാറും വ്യാധിയെല്ലാം തീരും
കർത്തനോടു ചേരുന്ന നാളിൽ;- കാത്തിരി…

കുഞ്ഞാടിന്‍റെ സഭയാം തിരു സഭയെ
കാലമിനി അധികമില്ല
വിരുതു ലഭിച്ചവർ പെൻമുടി ചൂടാൻ
കാലമിതാസന്നമായ്;- കാത്തിരി…

പഴി ദുഷി നിന്ദകൾ എത്ര വന്നാലും
പരനെ നീ മറന്നീടല്ലേ
പ്രതിഫലം നിനക്കായ് ഒരുക്കുന്നുണ്ട്
പ്രിയനോടു ചേരുന്ന നാളിൽ;- കാത്തിരി…