കഴിഞ്ഞ വർഷങ്ങളെല്ലാം മരണത്തിൻ

കഴിഞ്ഞ വർഷങ്ങളെല്ലാം
മരണത്തിൻ കരിനിഴലേശാതെന്നെ
കരുണയിൻ ചിറകടിയിൽ
പൊതിഞ്ഞു സൂക്ഷിച്ചതാൽ

നന്ദിയാൽ നിറഞ്ഞു മനമേ
നന്മനിറഞ്ഞ മഹോന്നതനാം
യേശുരാജനെ എന്നും സ്തുതിപ്പിൻ

ശൂന്യതയിൻ നടുവിൽ
ജീവനും ഭക്തിക്കും വേണ്ടതെല്ലാം
ക്ഷേമമായ് ഏകിയെന്നെ
ജയത്തോടെ നടത്തിയതാൽ;-

ഗോതമ്പുപോലെന്നെയും
പാറ്റിടുവാൻ ശത്രു അണഞ്ഞിടുമ്പോൾ
താളടിയാകാതെന്‍റെ
വിശ്വാസം കാത്തതിനാൽ;-

അസാദ്ധ്യമായതെല്ലാം
കർത്താവു സാദ്ധ്യമായി മാറ്റിയല്ലോ
അത്യന്തം കയ്പായതോ
സമാധാനമായ് മാറ്റിയല്ലോ;-