കൃപ കൃപ കൃപ

കൃപ കൃപ കൃപ കൃപ
ദൈവത്തിൻ മഹാകൃപ
പാപിയാം എന്നിൽ പകർന്നു നൽകി
രക്ഷിച്ചതോ എന്നെ തൻ മഹാകൃപ

കഴുകി തൻ രക്തത്താൽ
മറച്ചു തൻ മാർവ്വതിൽ
പകർന്നു തൻ സ്നേഹമെന്നിൽ
പുത്രനാക്കി തീർത്തതാൽ
അവകാശിയായി എന്നെയും തീർത്ത
തൻ കൃപ എത്ര മഹാത്ഭുതമെ

ബലഹീനതയിൽ തികയും ബലം
സർവ്വശക്തനിൻ ശക്തിയല്ലോ
തവകൃപയിൻ സാന്നിദ്ധ്യം
എന്നെന്നും മതി എനിക്ക്
ക്രിസ്തുവിന്‍റെ ശക്തി എന്മേൽ പകർന്ന
തൻ കൃപ എത്ര മഹാത്ഭുതമെ

നീതിമാനാം ദൈവം
നീതീകരിച്ചു എന്നെയും
നീതിയിൻ കിരീടത്തിൻ
വാഗ്ദത്തവും നൽകിയല്ലോ
നിത്യതയിൽ വാഴാൻ നിത്യജീവൻതന്ന
തൻകൃപ എത്ര മഹാത്ഭുതമെ