കൃപായുഗം കഴിയാറായി

കൃപായുഗം കഴിയാറായി
പുതുയുഗം വേഗം വിരിയാറായി
അധിപതി യേശു വന്നിടാറായി
തിരുസഭയെ ചേർത്തിടാറായി

സീയോൻ സൈന്യം മയങ്ങുകയോ
യോർദ്ദനെ നീ കലങ്ങുകയോ
അധികമില്ല കാലം അധികമില്ല
പ്രിയൻ വരവിൻ ഒരുങ്ങിടുക;-

ജാതികൾ തമ്മിൽ കലഹിക്കുന്നു
വംശങ്ങൾ വൈരി ഏറിടുന്നു
ഭയപ്പെടേണ്ട തല ഉയർത്തീടുവാൻ
പ്രിയൻ വരവേറ്റം അടുത്തുവല്ലോ;

കുഞ്ഞാടിന്‍റെ തിരുരക്തത്താൽ
അങ്കി അലക്കി വെളുപ്പിച്ചോരെ
നീതി സൂര്യൻ വെളിപ്പെടുമ്പോൾ
തേജസിൽ വേഗം ചേർത്തീടുമേ;-

രാതിയാമം തീർന്നുവല്ലോ
കൃപയുടെ വാതിൽ അടയുകയായി
ബുദ്ധിയുള്ള കന്യകെ ഉണരുക നീ
സത്യ മണവാളനെ എതിരേല്ക്കുവാൻ;