കൃപായുഗം തീരാറായി കർത്തൻ

കൃപായുഗം തീരാറായി കർത്തൻ
കാഹള ധ്വനി കേൾക്കാറായ്(2)
മദ്ധ്യാകാശേ തന്‍റെ ദൂതരുമായ്
വെളിപ്പെടും കാലം ആസന്നമായ്(2)

ആദ്യ സ്നേഹത്തിൽ നിന്നും വീണുവോ
മനം തിരിഞ്ഞു എൻ സോദരാ(2)
ജയാളിയായ് വന്നീടുകിൽ-ജീവ
വൃക്ഷത്തിൻ ഫലം തന്നിടും(2);- കൃപാ…

മരണം വരെ വിശ്വസ്തനായ്
നിന്നീടുകിൽ കിരീടം തന്നിടും(2)
ജയാളിയായ് തീർന്നീടുകിൽ-രണ്ടാം
മരണത്താൽ ദോഷം വരികയില്ല(2);- കൃപാ..

ജയിച്ചവൻ തന്‍റെ പ്രവൃത്തികൾ
അവസാനത്തോളം അനുഷ്ടിക്കും(2)
ജയാളിയായ് തീർന്നീടുകിൽ
ജാതികൾക്കു മേൽ അവകാശം തരും;- കൃപാ…