ക്രൂശിലേറി യാഗമായി മാർവ്വിലെന്നെ

ക്രൂശിലേറി യാഗമായി
മാർവ്വിലെന്നെ ചേർത്തവനാം
ഇത്രയേറെ നല്ല നാഥനേ
എന്നെ ഹൃത്തിലേറ്റി നിന്നിടുവാൻ
ഇത്രനാളും കാത്തിരുന്ന
സ്വർപ്പുരം വെടിഞ്ഞ നാഥനേ

ക്ലേശമേറും ജീവിതത്തിൽ
ആശയായ് കൂടെയുള്ള
നിത്യനാകും നല്ല നാഥനേ
നിന്‍റെ പാത നോക്കി യാത്ര ചെയ്യും
ജീവനുള്ള കാലമെന്നും
മിതമായ നല്ല നാഥനേ

ശോകമേറും ജീവിതത്തിൽ
ദീപമായ് കൂടെയുള്ള
സ്തുത്യനാകും നല്ല നാഥനേ
നിന്നെ വാഴ്ത്തിടുന്നു എന്നുമെന്നും
ജീവനുള്ള കാലമെന്നും
നിത്യനായ നല്ല നാഥനെ