മഹത്വം എൻ യേശുവിനു

മഹത്വം എൻ യേശുവിനു
സ്തോത്രത്തിനും യോഗ്യനെന്നും
ആരാധ്യനാം എൻ യേശുനാഥൻ
സർവ സ്തുതികൾക്കും യോഗ്യനെന്നും

ആദ്യനും അന്ത്യനും യേശുമാത്രം
ഉന്നതനാം എൻ നല്ല നാഥൻ

ചതഞ്ഞ ഓട ഒടിക്കുകില്ല
പുകയുന്ന തിരിയേ കെടുത്തുകില്ല
വെള്ളത്തിൽ കൂടി നീ കടന്നിടിലും
വെള്ളം നിൻ മീതെ കവിയുകില്ല

വാഗ്ദത്തം ചെയ്തവൻ വിശ്വസ്തനാം
വാക്കു പറഞ്ഞാൽ മാറുകയില്ല

തള്ളപ്പെട്ടു നീ പോയെന്നാലും
താങ്ങുന്ന നാഥൻ നിൻ കൂടെയുണ്ട്
മാറോടു ചേർത്തെന്നെ താലോലിക്കും
തോളിലെടുത്തെന്നേ ചേർത്തണയ്ക്കും

തള്ളിയ കല്ലിനെ മൂലക്കല്ലാക്കിയ
എന്നേശു നാഥന്‍റെ കരവിരുത്

യിസ്രായേലിൻ പരിശുദ്ധൻ
ഇന്നും എന്നും അനന്യനാം
പരിശുദ്ധ ദേവൻ വീരൻ അവൻ
എന്നും കരുണയുള്ളനാഥൻ

പർവ്വതം മാറും കുന്നുകൾ നീങ്ങും
കർത്തൻ ദയയോ മാറുകയില്ല