മഹിമകണ്ട സാക്ഷികളെ മണവാട്ടിയാം തിരുസഭയെ

മഹിമകണ്ട സാക്ഷികളേ
മണവാട്ടിയാം തിരുസഭയേ
ഒരുങ്ങിടുക ബലം ധരിച്ചിടുക
മണവാളനേശുവെ എതിരേൽക്കുവാൻ

സകലവിധ ഭാരങ്ങളും
മുറുകൈപറ്റും പാപങ്ങളും
വെടിഞ്ഞീടുക ജീവൻ പുതുക്കിടുക
സ്ഥിരതയോടെ ഓട്ടം തികച്ചീടുക;-

പളുങ്കുകടൽ തീരത്തു നാം
കളങ്കമില്ലാതെ വാണിടുവാൻ
പുതിയൊരു പാട്ടു പാടീടുവാൻ
യുഗായുഗമായ് ആനന്ദിപ്പാൻ;

തകർത്തയിടി മുഴക്കം പോലെ
പെരുവെള്ളത്തിൻ ഇരച്ചിൽ പോലെ
ഹല്ലേലുയ്യാ ഗീതം പാടിടുവാൻ
ഉല്ലസിച്ചു മഹത്വം കൊടുപ്പാൻ;