മഹിമയിൻ യേശു വേഗത്തിൽ തന്നെ

മഹിമയിൻ യേശു വേഗത്തിൽ തന്നെ
മേഘത്തിൽ വന്നിടുമേ
ശുദ്ധസഭയാം കാന്തയെ വേഗം
മേഘത്തിൽ ചേർത്തിടുമേ(2)

കണ്ണുനീരില്ലാത്ത ലോകത്തിൽ തന്നെ
പോയിടും നിശ്ചയമായ്
ഈ ചുട്ടെരിയാനുള്ള ഭൂമിയിൽ നിന്നും
പോയിടും ഭാഗ്യനാട്ടിൽ(2)

ജീർണ്ണിക്കാതുള്ള തേജസ്സിൻ ദേഹം
കിട്ടുമൊരുനാളിൽ
ദൈവ ദൂതതുല്യരായ് പോയിടാമെന്നും
പ്രിയന്‍റെ രാജ്യത്തിൽ(2)

ആയിരം വർഷം ഈ ഭൂമിയിൽ
വാഴും രാജാക്കന്മാരായ്
മഹാരാജനാം യേശുവിൻ കൂടെ
വാഴുന്ന നാളുകൾ ദൂരമല്ല(2)

ദൈവദൂതന്മാർ നന്നായ് ഒരുങ്ങുന്നു
കാഹളം ഊതാനായ്
ഭൂമി ഞരങ്ങുന്നു ദൈവമുമ്പാകെ
മൃതരെ നൽകീടാൻ(2)