നല്ലവനാം യേശുവിനെ നന്ദിയോടെ വാഴ്ത്തീടാം

നല്ലവനാം യേശുവിനെ നന്ദിയോടെ വാഴ്ത്തീടാം
കൈത്താളങ്ങളാൽ ആർത്തു ഘോഷിക്കാം
കർത്തൻ തിരുനാമത്തിനായ്(2)

ഹല്ലേലുയ്യ ഹല്ലേലുയ്യ പാടിടാം നാം
നല്ലവനാം യേശുവിനെ
ആത്മാവിൽ ആരാധിക്കാം

സ്വർഗ്ഗതാതൻ ഹിതത്താൽ ഈ ഭൂവിൽ വന്നവൻ
ക്രൂശിൽ കരേറി ജീവയാഗമായവൻ
അവനേക മധ്യസ്ഥൻ ലോകരക്ഷകൻ
ദൈവമായി വെളിപ്പെട്ടവൻ
മാനവരെ വീണ്ടെടുക്കുവാൻ;- ഹല്ലേലുയ്യ..

യേശുവിന്‍റെ അരികിൽ വന്നീടുകിൽ
സ്നേഹത്തോടെ ചേർക്കുമവൻ
ഇഹലോകത്തിൽ കരുതും
നിശ്ചയമായ് നിത്യജീവനും പ്രാപിക്കാം
നല്ല നാഥനേ വണങ്ങാം;- ഹല്ലേലുയ്യ…