നന്ദിയോടെ ഞാൻ സ്തുതി പാടിടും

നന്ദിയോടെ ഞാൻ സ്തുതി പാടിടും
എന്‍റെ യേശുനാഥാ (2)
എനിക്കായ് നീ ചെയ്തോരോ നന്മയ്ക്കും
ഇന്നു നന്ദി ചൊല്ലുന്നു ഞാൻ (2)

അർഹിക്കാത്ത നന്മകളും
എനിക്കേകിടും ദയാനിധേ(2)
യാചിക്കാത്ത നന്മകൾ പോലുമീ
എനിക്കേകിയോനു സ്തുതി(2);-

സത്യദൈവത്തിൻ ഏക പുത്രനാം
നിന്നിൽ വിശ്വസിക്കുന്നു ഞാൻ(2)
വരും കാലമൊക്കെയും നിൻ കൃപാ
വരങ്ങൾ ചൊരികയെന്നിൽ(2)

എന്നെയും എനിക്കുള്ളതൊക്കെയും
നിൻ കയ്യിൽ തരുന്നിതാ ഞാൻ
നിൻ തിരു മഹത്വത്തിനായ് ഇനി
ജീവിപ്പാൻ കൃപയരുൾക (2)

എന്‍റെ ആയുസ്സിൻ ദിനമൊക്കെയും
നിന്‍റെ സേവ ചെയ്തിടുവാൻ
എന്നിൽ നിൻ സ്വഭാവം പകരണേ
പരനേ മഹാദയയാൽ (2)