നന്മകൾ മാത്രം ചെയ്യുന്നവൻ തിന്മകൾ

നന്മകൾ മാത്രം ചെയ്യുന്നവൻ
തിന്മകൾ ഒന്നും ചെയ്കയില്ലാ
ലോകത്തിൽ നിങ്ങൾക്ക് കഷ്ടം ഉണ്ടെന്നാൽ
ധൈര്യപ്പെടുവിനെന്ന് അരുളിയോനേ

എൻ യേശു രാജനേ
എൻ യേശു കർത്തനെ
എൻ ജീവൻ യേശുവേ
എൻ പ്രാണ നാഥനേ

ദൈവത്തോടുള്ള സമത്വം വിട്ട്
താണ ഭൂവിൽ അവതരിച്ച്
എന്നെ നേടുവാൻ വന്നവനേ
എന്‍റെ രക്ഷകൻ നീ മാത്രമേ;-

പാപവും ശാപവും നീക്കുവാനായ്
എൻപേർക്കായി യാഗമായ് തീർന്നവനേ
മരണത്തെ ജയിച്ച് സാത്താനെ തോൽപ്പിച്ച്
ഇന്നും എനിക്കായി ജീവിക്കുന്നു;-

വിശുദ്ധരേ ചേർപ്പാൻ വന്നീടുമെന്ന്
വാഗ്ദത്തം ചെയ്ത നല്ല നാഥനേ
കാന്തൻ വരവിനായ് ഒരുങ്ങീടും ഞാൻ
ജീവകിരീടം ഞാൻ പ്രാപിച്ചിടുമേ;-