നീതിസൂര്യനാം യേശു കർത്തൻ

നീതിസൂര്യനാം യേശു കർത്തൻ
നിന്‍റെ കൂടെയുണ്ട് കൂടെയുണ്ട്
ഭയപ്പെടെണ്ട നീ ഭ്രമിച്ചിടെണ്ട
കർത്തൻ കൂടെയുണ്ട് കൂടെയുണ്ട്

എന്നെ ശക്തീകരിക്കുന്ന ദൈവം
സർവശക്തനാം യഹോവ നീ
നിന്‍റെ നീതിയുള്ള ഭുജം താങ്ങുന്നതാൽ
ഞാൻ ഒരുനാളും പതറുകില്ല

എന്‍റെ അവസ്ഥകൾ അറിയുന്ന ദൈവം
ലോക വ്യവസ്ഥകൾ മാറ്റിടുമേ
എന്‍റെ കാര്യസ്ഥൻ നീ സൌഖ്യ ദായകൻ
എന്‍റെ അടിസ്ഥാനം നീ മാത്രമേ

എന്‍റെ അരിഷ്ടത ഓർക്കാത്ത നാഥൻ
എന്നെ ശ്രേഷ്ഠനായി മാറ്റിയല്ലോ
എന്‍റെ ഇഷ്ടമോന്നും ഇനി വേണ്ട നാഥ
നിന്‍റെ ഹിതം എന്നിൽ നിറവേറട്ടെ