നീയെന്‍റെ സങ്കേതം നീയെന്‍റെ ഗോപുരം

നീയെന്‍റെ സങ്കേതം നീയെന്‍റെ ഗോപുരം
യാചന കേട്ടിടും ഞാൻ ക്ഷീണിക്കുമ്പോൾ
എന്നെ നീ നടത്തീടും ഞാനുഴലുമ്പോൾ
അത്യുന്നതങ്ങളിൽ വസിക്കുന്നോനെ

ചിറകിൻ മറവിൽ ഞാൻ വരുന്നു
എന്‍റെ നേർച്ചകൾ ഏറ്റുവാനായ്
നേരുള്ളോർക്കവൻ ഇരുളിൽ വെളിച്ചം
ദൈവത്തിൻ നീതി നിലനിന്നീടും;-

ഭൂമണ്ഡലങ്ങൾ മാറിപ്പോകും
നീയവയെ ചമച്ചതല്ലോ
നീയെന്‍റെ സ്വന്തമായ് തന്നവകാശം
ജീവനെ തന്നെന്നെ വീണ്ടതിനാൽ;-

നാളുകൾ കഴിയും മണ്ണിൽ പുകപോൽ
ദേഹം മണ്ണായ് മാറിപ്പോകും
ഈ മരുഭൂമിയിൽ വേഴാമ്പൽ ഞാൻ
ആയുസ്സു നിഴലായ് മാറിപ്പോകും;-