നിൻ മാർവിലൊന്നു ഞാൻ ചാരട്ടെൻ

നിൻ മാർവിലൊന്നു ഞാൻ ചാരട്ടെൻ
ദൈവമെ വേദനയേറുമീ ധരയിൽ(2)

നിന്നൻപിൻ സ്വരം ഞാൻ കേട്ടിടുമ്പോൾ
നിൻ കരങ്ങളിലെന്നെ വഹിച്ചിടുമ്പോൾ
ആമയങ്ങളെല്ലാം മാറിടുമെ
ആനന്ദിച്ചിടുമെന്നുള്ളം സദാ;-

വേദനയേറുന്ന നേരങ്ങളിൽ
നീയനുവദിച്ചിടും ശോധനയിൽ
പതറാതെ നിൽക്കുവാൻ കൃപതരണേ
എൻ സീയോൻ യാത്രയിലന്ത്യം വരെ;-

താങ്ങും തണലുമായ് നീയെനിക്ക്
നല്ല താതനായെന്നും കൂടുളളതാൽ
ഭാരങ്ങളെല്ലാം ചുമത്തിനിന്നിൽ
ആശ്വസിച്ചിടുമെന്നാളിലും ഞാൻ;-