നിന്നിഷ്ടം പോലെയെൻ ദൈവമേ എന്നെ

നിന്നിഷ്ടം പോലെയെൻ ദൈവമേ
എന്നെ നടത്തണമെന്നുമേ
കഷ്ടത വന്നാലും നിൻവഴി
വിട്ടുപോകാതെന്നെ കാത്തിടണേ

മന്നിടത്തിൽ സങ്കടങ്ങൾ
എന്നുള്ളത്തിൽ തിങ്ങിവിങ്ങിടുമ്പോൾ
വല്ലഭാ നീയല്ലാതാരുമേ
ഇല്ലെനിക്കാശ്വാസമായ്;-

ശത്രു തന്‍റെ കൂരമ്പുകൾ എത്രയും ശക്തിയായെയ്തിടിലും
കർത്താവേ നിൻ പൊന്നുകൈകളിൽ ചേർത്തെന്നെ കാക്കുമല്ലോ;-

മിത്രരെന്നെ കൈവിട്ടാലും
എത്ര പഴിച്ചു ദുഷിക്കുകിലും
ക്രിസ്തേശുവേ നീയെനിക്കുള്ളതാൽ
ഇല്ലൊരു ചഞ്ചലവും;-

എൻ പ്രിയാ നീ എന്നു വരും
എൻ കണ്ണുനീരെല്ലാമെന്നു തീരും
നിൻമുഖം നേരിൽ ഞാൻ കണ്ടല്ലാ-
തെൻ കണ്ണീർ തോരുകില്ല;-