ഞാനെന്നും സ്തുതിക്കും എൻ പരനെ തിരുമനുസുതനെ

ഞാനെന്നും സ്തുതിക്കും
എൻ പരനെ തിരുമനുസുതനെ
ആനന്ദഗാനങ്ങൾ പാടിപ്പുകഴ്ത്തി
ഞാനെന്നും സ്തുതിക്കും

പാപത്തിൻശാപത്തിൽ നിന്നും എന്‍റെ
പ്രാണനെ കാത്തവനെന്നും
പാരിൽ തൻ അൻപിന്നു തുല്യമില്ലൊന്നും;-

നൽകിയവൻ രക്ഷാദാനം തന്നിൽ
കണ്ടുഞാൻ ദൈവികജ്ഞാനം
തൻ പദസേവയതെന്നഭിമാനം;-

ആയിരം നാവുകളാലും പതി
നായിരം വാക്കുകളാലും
ഹാ! ദിവ്യ സ്നേഹവമവർണ്ണ്യമാരാലും;-

നിത്യത തന്നിൽ ഞാനെത്തും തന്‍റെ
സ്തുത്യപദങ്ങൾ ഞാൻ മുത്തും
ഭക്തിയിലാനന്ദക്കണ്ണുനീർ വീഴ്ത്തും;-