ഞാൻ സമർപ്പിക്കുന്നു ഞാൻ സമർപ്പിക്കുന്നു

ഞാൻ സമർപ്പിക്കുന്നു ഞാൻ സമർപ്പിക്കുന്നു
എന്‍റെ ഹൃദയം നിന്‍റെ മുമ്പിൽ
ഞാൻ സമർപ്പിക്കുന്നു

കഴുകുക നിൻ നിണത്താൽ കാൽവറി പൊൻ നിണത്താൽ
പാപങ്ങളഖിലം നീ കരുണാനിധേ
പ്രതികൂലമായ കൈയെഴുത്തുകളേ നീ
മായിച്ചു കഴുകി കൃപയേകണേ; –

ക്ഷമിക്കുക പരനീശോ അടിയാന്‍റെ വീഴ്ച താഴ്ച
നിൻ പാദേയഭയമണയുന്നു ഞാൻ
കഴുകുക എന്‍റെയുള്ളം വാഴുക എന്‍റെയുള്ളിൽ
ഇന്നുമുതലെന്നുമെന്നേക്കുമേ; –

നിന്‍റെ തിരുപ്പാദേ ഇന്നു ഞാനെന്നെത്തന്നെ
സമ്പൂർണ്ണമായി സമർപ്പിക്കുമ്പോൾ
ചൊരിയുക നിൻ കൃപകൾ പകരുക നൽവരങ്ങൾ
നായകൻ കാര്യസ്ഥനാത്മാവിനെ; –

ഹൃദയത്തിൽ വന്നാലും നീ എന്നുള്ളിൽ വാണാലും നീ
ദാസരിൻ ആശാദീപ്തി രക്ഷാദാതാ
സ്വർഗ്ഗലോകത്തെപ്പോലെയി ഭൂമണ്ഡലത്തിലും
നിന്‍റെ തിരുഹിതങ്ങളാക്കേണമേ;