ഞാൻ യഹോവയെ എല്ലാ നാളിലും വാഴ്ത്തീടും

ഞാൻ യഹോവയെ എല്ലാ നാളിലും വാഴ്ത്തീടും
തൻ സ്തുതി എപ്പോഴും എൻ നാവിന്മേലുണ്ട്

എന്‍റെയുള്ളം യാഹിൽ പ്രശംസിച്ചിടുന്നു
എന്‍റെ മാനസം പ്രിയനിൽ ആനന്ദിക്കുന്നു

തന്നിൽ മാത്രം നോക്കിടുന്നോർ ശോഭിതരായ്ത്തീരും
ആയവർ മുഖം തെല്ലും ലജ്ജിക്കയില്ല;-

യാഹ് നല്ലവൻ അതേ ആസ്വദിച്ചറിവിൻ
തന്നിലാശ്രയിച്ചിടുന്നോർ ഭാഗ്യമേറിയോർ;-

നീതിമാന്മാരിൻ അപേക്ഷ കേട്ടിടുന്നീ ദൈവം
കഷ്ടതയിലുറ്റ സഖി ഉദ്ധരിക്കുന്നോൻ;-

മാനസം തകർന്നവർക്കു രക്ഷ നൽകും ദൈവം
ദുഃഖിതർക്കാശ്വാസമേകാൻ കൂടെയുണ്ടെന്നും;-

നീതിമാന്മാരിൻ അനർത്ഥം ഏറി വന്നെന്നാലും
നീക്കുപോക്കു നൽകീടുന്നീ നിത്യനാം ദൈവം;-

ലോകത്തിൻ പ്രഭുക്കളിൽ ഞാനാശ്രയം വെയ്ക്കില്ല
എൻ ദൈവം എന്‍റെ ആശ്രയം അതെത്രയുത്തമം;-

സങ്കീർത്തനം 34

Post Tagged with lyrics malayalam