ഓരോ നിമിഷവും നിന്നെ ഓർക്കുവാൻ

ഓരോ നിമിഷവും നിന്നെ ഓർക്കുവാൻ
നീ തന്ന സ്നേഹം അതെത്ര വലുത്
എന്നുമെൻ നിഴലായ് നീ കൂടെയില്ലേ
എന്നുമെൻ നിഴലായ് നീ ചാരെയില്ലേ;
മറക്കില്ല ഞാൻ നിന്നെ നീ തന്ന സ്നേഹത്തെ
എന്നും ഓർക്കുന്നു ഞാൻ എന്നും ഓർക്കുന്നു

എന്നേശുവേ നീ വലിയവൻ
എൻ നാഥനെ നീ വല്ലഭൻ

പാപവഴികളിൽ വീഴാതെവണ്ണം
കാത്തതാം നിൻ സ്നേഹം
ഓർത്തെടുക്കുവാൻ വാക്കുകളില്ല ഇന്നെനിക്ക്
നിൻ മാർവ്വിൽ നീ എന്നെയും
ചേർത്തതല്ലേ എൻ നാഥനെ:-

കൂരിരുൾ നിറഞ്ഞ പാതയിൽ
ഞാൻ പോയെന്നാകിലും
ജീവവെളിച്ചമായ് എന്നുള്ളിൽ നീ വന്നുദിച്ചില്ലേ
രക്ഷയിൻ വചനമായ്
എൻ ഹൃദയത്തെ നീ തൊട്ടില്ലെ;-