ഒരു പ്രതിഫലം ഉണ്ട് നിശ്ചയം

ഒരു പ്രതിഫലം ഉണ്ട് നിശ്ചയം
നിന്‍റെ പ്രത്യാശക്കോ ഭംഗം വരികയില്ല (2)

വാഗ്ദത്തം നമ്മുടെ നിക്ഷേപമേ
വാക്കുപറഞ്ഞവൻ മാറുകില്ല
വാനവും ഭൂമിയും മാറിപോയാലും
വാഗ്ദത്തം നിറവേറിടും;- ഒരു പ്രതിഫലം…

ദരിദ്രനെ എന്നേക്കും മറക്കുകില്ല
സാധുവിൻ പ്രത്യാശക്കു ഭംഗം വരില്ല
എളിയവനെ പൊടിയിൽ നിന്നും ഉയർത്തും
ദരിദ്രനെ കുപ്പയിൽ നിന്നും;- ഒരു പ്രതിഫലം…

കണ്ണുനീർ തുരുത്തിയിൽ സൂക്ഷിക്കുന്നു
പ്രാർത്ഥനക്കു ഉത്തരം നൽകിടുന്നു
വിത്ത് ചുമന്നു കരഞ്ഞു വിതച്ചവൻ
ആർപ്പോടെ കൊയ്തിടുമേ; – ഒരു പ്രതിഫലം

കഷങ്ങളെല്ലാം തീർന്നിടുമെ
നഷ്ടങ്ങളെല്ലാം മാറിടുമെ
യേശു താൻ വേഗം വന്നീടുമേ തക്ക-
പ്രതിഫലം തന്നിടുമേ; – ഒരു പ്രതിഫലം…