പാളയത്തിൻ പുറത്തായ് തൻ നിന്ദ ചുമന്നുകൊണ്ട്

പാളയത്തിൻ പുറത്തായ് തൻ നിന്ദ ചുമന്നുകൊണ്ട്
സാക്ഷികളിൻ നടുവിൽ ധീരരായ് ഗമിച്ചിടാമേ

പാടുകളേറ്റ പാവനന്‍റെ പാപമില്ലാത്ത പരിശുദ്ധന്‍റെ
പാതയെ നോക്കി ജീവിച്ചിടാം പാരിടത്തിൽ പാർക്കും നാൾ

പാപിയെ നേടിടുവാൻ ക്രൂശിൽ തൻ ജീവൻ വച്ച
രക്ഷകനാം നാഥന്‍റെ രക്ഷണ്യവേല ചെയ്യാം

ആയിരംആയിരങ്ങൾ പാപത്തിൽ നശിച്ചിടുമ്പോൾ
ക്രൂശിൽ നിവർത്തിച്ചതാം സുവിശേഷം ഘോഷിച്ചിടാം

രക്തം ചിന്തി നമുക്കായ് തന്നെത്താൻ ഏല്പിച്ചു താൻ
അർപ്പിക്കാം അനുദിനവും ചിലവാകാം ചിലവായിടാം

കർത്തൻ തൻ പേർക്കായി ജീവനെ കളയുകയിൽ
നേടിടും താൻ അതിനെ പ്രാപിക്കും നിത്യജീവൻ

ലോകത്തിൻ ലാഭധനം ചേതം എന്നെണ്ണിടാമേ
ലോകത്തിൻ മാനത്തേക്കാൾ തൻ മാനം അഭികാമ്യമേ

ലോകങ്ങൾ അവസാനിക്കും വെളിപ്പെടും താൻ തേജസ്സിൽ
തൻ സിദ്ധർ വാണീടുമേ തൻകൂടെ യുഗായുഗമായ്