പരനേശുവേ കരുണാനിധേ വരമേകുക ദമ്പതികൾ

പരനേശുവേ കരുണാനിധേ വരമേകുക ദമ്പതികൾ
ക്കരുളണമേ കൃപയെ ദിനം പ്രതിമാരിപോൽ ദൈവജാതാ

തവ ദാസരാമിവരെകമത്യമോടെ വസിച്ചീടുവാനും
അവസാനകാലമണഞ്ഞിടുംവരെ പ്രീതിയിൽ മേവതിന്നും

പരമാവിയാലിവരെ നിറയ്ക്ക് മഹോന്നതനെ ദിനവും
തിരുനാമകീർത്തി സദാ നിനച്ചു തങ്ങൾ വസിച്ചിടുവാനും

പരനേശു തൻ പ്രിയയായ് തിരുസഭയെ വരിച്ചായതിന്നായ്
മരണം സഹിച്ചതുപോലീദാസൻ തൻ പത്നിയെ ചേർത്തുകൊൾവാൻ

തവ ദാസിയാമിവളും അനുസരിച്ചീടണം നിത്യവും തൻ
ധവനെ പൂരാ സാറയും അബ്രാമിനെയന്നുപോൽ മോദമോടെ

പല മാറ്റവും മറിവും നിറഞ്ഞലോകെയിവർ നിത്യവും നിൻ
അലിവേറ്റമുള്ളവയാം ചിറകടിചേർന്നു സുഖിപ്പതിന്നും