പരിമള പർവ്വത നിരകളിൽ നിന്നു

പരിമള പർവ്വത നിരകളിൽ നിന്നു
പറന്നുവരുന്ന പ്രാവുകളേ
മൂറിൻമലയുടെ താഴ്വരയിൽ നിങ്ങൾ
എന്‍റെ പ്രിയനെ കണ്ടുവോ?

ഹാലേലൂയ്യാ ഹാലേലുയ്യാ
ഹാലേലൂയ്യാ ഹാലേലുയ്യാ

നിൻ മൃദുസ്നേഹ മനോഹര
രൂപം കാണുവാനായ്
ഇരവും പകലും ഈ മരുഭൂമിയിൽ
കാത്തിരിക്കുന്നു;- ഹാലേ…

മുന്തിരിവള്ളിക്കുടിലിലിരിക്കും
ചെറുമാൻ പോലെയവൻ
കാട്ടുമരങ്ങൾക്കിടയിൽ വളരും
നല്ലൊരു നാരകമായ്;- ഹാലേ…

യുഗവെയിൽ മാറ്റും സന്ധ്യാവേളയിൽ
അവനരുളിയ കാലം
വീണ്ടും വരുമെന്നവനുരചെയ്തു
താമസമില്ലിനിയും;- ഹാലേ…