പ്രാർത്ഥിച്ചാൽ ഉത്തരമുണ്ട് യാചിച്ചാൽ

പ്രാർത്ഥിച്ചാൽ ഉത്തരമുണ്ട്
യാചിച്ചാൽ മറുപടി ഉണ്ട്
മുട്ടിയാൽ തുറന്നിടും
ചോദിച്ചാൽ ലഭിച്ചിടും അതു നിശ്ചയം

നിശ്ചയം നിശ്ചയം അതു നിശ്ചയം
വാക്കു പറഞ്ഞവൻ മാറുകില്ല
നിശ്ചയം നിശ്ചയം അതു നിശ്ചയം
വാഗ്ദത്തം തന്നവൻ അകലുകില്ല

ആരാധിച്ചാൽ വിടുതലുണ്ട്
ആശ്രയിച്ചാൽ കരുതലുണ്ട്
വിളിച്ചാൽ വിളിപ്പുറത്തെത്തും നിശ്ചയം
വിളി ശ്രവിച്ചാൽ നിത്യ രക്ഷ നിശ്ചയം;- നിശ്ചയം…

അനുതപിച്ചാൽ പാപമോക്ഷമുണ്ട്
മനം തകർന്നാലവൻ അരികിലുണ്ട്
വിശ്വസിച്ചാൽ മഹത്വം കാണും നിശ്ചയം
നിത്യ ഭവനത്തിൽ നിത്യ വാസം നിശ്ചയം;- നിശ്ചയം…

മാറയെ മാധുര്യമാക്കീടുമെ
ശത്രുവിൻമേൽ ജയം നൽകീടുമെ
സമൃദ്ധിയായ് അനുഗ്രഹം നൽകും നിശ്ചയം
മാറാത്ത വാഗ്ദത്തം നൽകും നിശ്ചയം;- നിശ്ചയം…