പുത്തനെറുശലേം പട്ടണം അതെത്രമാം

പുത്തനെറുശലേം പട്ടണം
അതെത്രമാം ശോഭിതം അക്കരെ
കണ്ടിടും വേഗമായ് നിത്യമാം
നാടിനെ സ്വർപ്പുരേ

പളുങ്കുപോൽ ജീവനദിയും ഇരു
കരയും ജീവനിൽ വൃക്ഷവും
ദാഹവും ക്ഷീണവും ഇല്ലിനി നവ്യ
ജീവ കനികളും ലഭ്യമാം;- കണ്ടിടും

രാത്രി ഇല്ലാത്തൊരു നാടിനെ നാം
വീക്ഷിക്കും സ്വർഗ്ഗീയ നാളതിൽ
കർത്തനാം യേശുവിൻ ജ്യോതിസ്സാൽ സീയോൻ
പട്ടണം ശോഭയാൽ മിന്നിടും;- കണ്ടിടും

പൊൻമയമാകുന്ന വീഥിയും നല്ല
തങ്കത്തെരുക്കളും കണ്ടിടും
എന്നിനി ഞാനങ്ങു ചേർന്നിടും പ്രിയാ
എന്നു നിൻ ശുദ്ധരെ ചേർത്തിടും;- കണ്ടിടും

ലോകത്തിൽ നിന്ദിതരിന്നു നാം വാന
മേഘത്തിൽ ശോഭിക്കും വന്ദ്യരായ്
നിത്യനാം രാജന്‍റെ ശുദ്ധന്മാർ അന്നു
രാജത്വം പ്രാപിക്കും മോദമായ്;- കണ്ടിടും

വരുവിൻ യേശുവിനരികിൽ :എന്ന രീതി