രക്ഷകൻ വിളിയെ കേട്ടില്ലയോ

രക്ഷകൻ വിളിയെ കേട്ടില്ലയോ
രക്ഷയിൻ ദൂതു നീ ശ്രവിച്ചില്ലയോ
ഇനിയും നിമിഷം നീ തള്ളീടാതെ
ഏറ്റുകൊൾ അവനെ നീ രക്ഷകനായ്

രക്ഷകനേശു അറിഞ്ഞിടാതെ
ആയിരം ആയിരം നശിച്ചിടുന്നു
തുറന്ന വാതിലിൽ നില്ക്കുന്നതാർ
ദിനവും അവൻ ശബ്ദം കേൾക്കുന്നില്ലയോ;-

ഉറ്റോർ ഉടയവർ തള്ളീടിലും
തള്ളീപ്പെടുകയില്ലൊരുനാളും താൻ
ആശ്രയിക്കാം തൻ കൃപയിൽ
ദിനവും അവനെ നീ സ്മരിച്ചീടുക;-

കാഹളധ്വനി വിണ്ണിൽ മുഴങ്ങുമ്പോൾ
വിശുദ്ധന്മാർ ഉയർത്തിടും അക്ഷയരായ്
നിത്യരാജ്യേ പാർത്തിടുവാൻ
വരുവിൻ അവൻ തിരുസന്നിധിയിൽ;-