സന്തോഷിപ്പിൻ വീണ്ടും സന്തോഷിപ്പിൻ

സന്തോഷിപ്പിൻ വീണ്ടുംസന്തോഷിപ്പിൻ
സ്വർഗസന്തോഷത്താൽ നിറവിൻ
സർവ്വസമ്പൂർണ്ണനാം നാഥൻ ചെയ്തതാം
നന്മകൾ ധ്യാനിച്ചു സന്തോഷിക്കാം

രക്ഷകനാം പ്രിയന്‍റെ
പാലകൻ യേശുവിന്‍റെ
നാമമുയർത്തുക നാം
നാൾതോറും ആമോദമായ്-എന്നും;- സന്തോ…

പാപത്തിൽനിന്നു നമ്മെ
കോരിയെടുത്തു പരൻ
ശാശ്വതമാം പാറയിൽ
പാദം നിറുത്തിയതാൽ-എന്നും;- സന്തോ…

ക്രിസ്തുവിൻ കഷ്ടങ്ങളിൽ
പങ്കുള്ളോരാകും തോറും
സന്തോഷിപ്പിൻ പ്രിയരേ
ആത്മീയ ഗീതങ്ങളാൽ-എന്നും;- സന്തോ…

രോഗങ്ങൾ വന്നിടിലും
ഭാരങ്ങൾ ഏറിടിലും
സൗഖ്യം പകർന്നു പരൻ
സന്തോഷം തന്നതിനാൽ-എന്നും;- സന്തോ…