ആമേൻ കർത്താവേ വേഗം വരണേ

ആമേൻ കർത്താവേ വേഗം വരണേ
ആകാശം ചായിച്ചു ഇറങ്ങേണമേ
താമസിക്കല്ലേ സീയോൻ മണാളാ
താമസിക്കല്ലേ ശാലേം രാജനേ
ആശയേറുന്നു നിൻ മുഖം കണ്ടിടാൻ

കാഹളത്തിൻ നാദം വാനിൽ കേട്ടിടുവാൻ
ഇഹത്തിലെ വാസം വിട്ടു പറന്നിടുവാൻ
ബഹുദൂതരോടു കൂടെ ആർത്തിടുവാൻ
മഹത്വത്തിൻ രാജാവേ നീ എഴുന്നള്ളണേ;-

ആമേൻ…

ലോകത്തിന്‍റെ മോഹം ഏറിടുന്നേ
പാപത്തിന്റെ ഭോഗം പെരുകിടുന്നേ
മയങ്ങുന്ന മണവാട്ടി പോലെ ജനം
മാറീടുന്നു പാപം തഴച്ചിടുന്നേ;-

ആമേൻ…

ഭക്തിയുടെ വേഷമെങ്ങും കാണുന്നല്ലോ
ശക്തിയുടെ സാക്ഷ്യമെങ്ങും കുറഞ്ഞിടുന്നേ
നിത്യനായ ദൈവമെ നീ എഴുന്നള്ളണേ
ശക്തിയെ പുതുക്കി സഭ ഒരുങ്ങീടുന്നേ;-

ആമേൻ…