ആരാധിച്ചിടാം നമുക്കാരാധിച്ചിടാം യാഹാം

ആരാധിച്ചിടാം നമുക്കാരാധിച്ചിടാം
യാഹാം ദൈവത്തെ നമുക്കാരാധിച്ചിടാം
താഴ്ചയിൽ നമ്മെ ഉയർത്തിയല്ലോ
പാടാൻ നവ്യമാം ഗാനം നാവിൽ തന്നല്ലോ

കണ്ണുനീരെല്ലാം നാഥൻ തുടച്ചുവല്ലോ
കണ്ണിൻ മണിപോൽ നമ്മെ കാത്തുകൊള്ളുന്നു
നിന്ദ ഉരുട്ടി നീക്കി ശത്രു മുമ്പാകെ
നിന്ദിക്കപ്പെട്ട സ്ഥാനത്തുയർത്തിയല്ലോ

പാരിൽ പലരും നമ്മെ മറന്നീടിലും
പാരിൻ നഥനാം യേശു മറക്കുകില്ല
ലോകാന്ത്യത്തോളം എല്ലാ നാളിലും കൂടെ
ഇരിക്കുമവൻ നമ്മെ വഴിനടത്തും

ഓട്ടം തീരുവാൻ കാലമായല്ലോ-നമ്മൾ
നാട്ടിൽ പോകുമോ ദുഖമെല്ലാം തീരുമേ
ദൂതരോടൊത്ത് നാമും വീണ മീട്ടിടും
കാന്തൻ പൊൻമുഖം കണ്ടു ആരാധിച്ചിടും