എന്നുള്ളമേ സ്തുതിക്ക നീ പരനെ

എന്നുള്ളമേ സ്തുതിക്ക നീ പരനെ തൻ
നന്മകൾക്കായ് സ്തുതിക്കാം സ്തുതിക്കാം
എന്നന്തരംഗമേ അനുദിനവും
നന്ദിയോടെ പാടിപ്പുകഴ്ത്താം

സുരലോകസുഖം വെടിഞ്ഞു നിന്നെ
തേടിവന്ന ഇടയൻ തന്‍റെ
ദേഹമെന്ന തിരശീല ചീന്തി തവ
മോക്ഷമാർഗ്ഗം തുറന്നു;-

പാപരോഗത്താൽ നീ വലഞ്ഞു തെല്ലും
ആശയില്ലാതലഞ്ഞു പാരം
കേണിടുമ്പോൾ തിരുമേനിയതിൽ നിന്‍റെ
വ്യാധിയെല്ലാം വഹിച്ചു;-

പലശോധനകൾ വരുമ്പോൾ
ഭാരങ്ങൾ പെരുകിടുമ്പോൾ നിന്നെ
കാത്തു സൂക്ഷിച്ചൊരു കാന്തനല്ലൊ
നിന്‍റെ ഭാരമെല്ലാം ചുമന്നു;-

ആത്മാവിനാലെ നിറച്ചു
ആനന്ദമുളള്ളിൽ പകർന്നു
പ്രത്യാശ വർദ്ധിപ്പിച്ചു പാലിച്ചിടും തവ
സ്നേഹമതിശയമെ;-