എന്‍റെ ദൈവം സർവ്വശക്തനല്ലോ

എന്‍റെ ദൈവം സർവ്വശക്തനല്ലോ
സർവ്വജ്ഞാനിയല്ലോ സർവ്വവ്യപിയല്ലോ(2)

വാനവും ഭൂമിയും താരാപഥങ്ങളും
സർവ്വം ചമച്ചവൻ ദൈവമല്ലോ
സർവ്വചരാചര സൃഷ്ടിതാവും
പരിപാലകനും എന്‍റെ ദൈവമല്ലോ;-

അന്ധനു കാഴ്ചയും ബധിരനു കേൾവിയും
മുടന്തനു കാൽകളും ദൈവമല്ലോ
ഊമനു ശബ്ദവും രോഗിക്കു സൗഖ്യവും
പാപിക്കു രക്ഷയും ദൈവമല്ലോ;-

ശൈലവും കോട്ടയും പരിചയും ബലവും
സങ്കേതവും ആത്മ സ്നേഹിതനും
മാറ്റമില്ലാത്തവൻ വാക്കു മാറാത്തവൻ
വിശ്വസ്തനും എന്‍റെ ദൈവമല്ലോ;-

കൃപയും നീതിയും കരുണയും ന്യായവും
ദയയും ഉള്ളവൻ ദൈവമല്ലോ
ധനവും മാനവും കീർത്തി പുകഴ്ചയും
സകലവും ദൈവത്തിൻ ദാനമല്ലോ;-