എന്തു സന്തോഷം എന്തോരാനന്ദം എന്‍റെ

എന്തു സന്തോഷം എന്തോരാനന്ദം
എന്‍റെ പ്രിയൻ കൂടെ വാഴുമ്പോൾ
എന്‍റെ ദുഃഖങ്ങൾ അന്നു മാറിടും
എന്‍റെ കഷ്ടങ്ങൾ അന്നു തീർന്നിടും

പുത്തനെരുശലേം നഗരം
ശുദ്ധിമാന്മാർക്കൊരുക്കിടുന്നു
ശുദ്ധജല പളുങ്കുനദി
തീരമതിലണഞ്ഞിടും ഞാൻ;-

രാത്രിയൊന്നും അവിടെയില്ല
കുഞ്ഞാടതിൻ വിളക്കായിടും
പ്രകാശിക്കും കർത്തനെന്‍റെമേൽ
രാജാക്കന്മാരായി വാണിടും;-

ശാപമൊന്നും അവിടെയില്ല
ദോഷമൊന്നും അവിടെയില്ല
ദൈവമുഖം കണ്ടു നിത്യവും
ആരാധിക്കും തന്‍റെ ദാസന്മാർ;-