കാണുന്നു ഞാൻ വിശ്വാസത്താൽ എൻ മുൻപിൽ

കാണുന്നു ഞാൻ വിശ്വാസത്താൽ
എൻ മുൻപിൽ ചെങ്കടൽ രണ്ടാകുന്നു(2)
കാണാത്ത കാര്യങ്ങൾ കൺമുൻപിലെന്നപോൽ(2)
വിശ്വസിച്ചീടുന്നു എൻ കർത്താവേ(2)

യരിഹോ മതിലുകൾ ഉയർന്നുനിന്നാലും
അതിന്‍റെ വലിപ്പമോ സാരമില്ല(2)
ഒന്നിച്ചു നാം ആർപ്പിടുമ്പോൾ(2)
വന്മതിൽ വീഴും കാൽച്ചുവട്ടിൽ(2);-

അഗ്നിയിൻ നാളങ്ങൾ വെള്ളത്തിനോളങ്ങൾ
എന്നെ തകർക്കുവാൻ സാധ്യമല്ല(2)
അഗ്നിയിലിറങ്ങി വെള്ളത്തിൽ നടന്ന(2)
സർവ്വ ശക്തൻ കൂടെയുണ്ട്(2);-

നാലുനാളായാലും നാറ്റം വമിച്ചാലും
കല്ലറമുമ്പിൽ കർത്തൻ വരും(2)
വിശ്വസിച്ചാൽ നീ മഹത്വം കാണും(2)
സാത്താന്‍റെ പ്രവൃത്തികൾ തകർന്നിടും(2);-