കാണുന്നു ഞാനൊരു വിശുദ്ധസഭ

കാണുന്നു ഞാനൊരു വിശുദ്ധസഭ
ഭൂമിയിലില്ലിതിനിണ ചൊല്ലുവാൻ

പരിശുദ്ധന്മാരുടെ സംഘമിതാ
പരിശുദ്ധനല്ലേലുയ്യാ പാടുന്നു
പരിശുദ്ധൻ പരിശുദ്ധൻ പരിശുദ്ധനെന്നാർക്കുന്ന
ദൂതരും പരിശുദ്ധരും;-

കുഞ്ഞാടും പരിശുദ്ധൻമാരുമായി
മേയുന്നിതാ സീയോൻ മലമുകളിൽ
വിശപ്പില്ല ദാഹമില്ലിവർക്കിനിയും
വിശുദ്ധി കൊണ്ടലങ്കാര-മവർക്കെന്നേക്കും;-

യെരുശലേമെന്ന വിശുദ്ധനഗരം-തന്‍റെ
ഭർത്താവിന്നായലങ്കരിക്കപ്പെട്ട
ശുദ്ധവും ശുഭ്രവുമായുള്ളൊരു
നീതിനിലയങ്കി ധരിച്ചതല്ലോ