കർത്താവിൻ വരവേറ്റം അടുത്തുവല്ലോ

കർത്താവിൻ വരവേറ്റം അടുത്തുവല്ലോ
കാഹള നാദം നാം കേട്ടിടാറായ്
കാന്തനെ കാണുവാൻ കാംക്ഷിക്കുന്നെ
കർത്താധി കർത്തനെ എതിരേൽപാൻ
ഹാലെലുയ്യാ (4)

വാതിലുകൾ പലതും അടഞ്ഞിടുമ്പോൾ
വാഗ്ദത്ത നാടുണ്ട് നമുക്കക്കരെ
വേഗം വരാമെന്നു ചൊല്ലിയവൻ
വേദന മാറ്റും നിൻ ജീവിതത്തിൽ
ഹാലെലുയ്യാ (4)

നാളയെ ചൊല്ലി നീ കരയേണ്ട
നേടിയതൊന്നും നിൻറ്റെതല്ല
നാളുകൾ നീളുകില്ലേറെയിനി
നാഥന്‍റെ സന്നിധേ എത്തിടുവാൻ
ഹാലെലുയ്യാ (4)

ഈ ലോകം വേഗം അസ്തമിക്കുമെ
ഈ ഗേഹം മണ്ണായി അലിഞ്ഞിടുമേ
ഈ ഗേഹവാസം നശ്വരമേ
ഇമ്പനാടിനെ ഞാൻ നോക്കി പാർക്കുമെ
ഹാലെലുയ്യാ (4)