കൊടുങ്കാറ്റലറുമ്പോൾ മതിലിന്മേൽ ഭയങ്കരന്മാരുടെ

കൊടുങ്കാറ്റലറുമ്പോൾ മതിലിന്മേൽ
ഭയങ്കരന്മാരുടെ ആരവമുയരുമ്പോൾ
എളിയവനൊരു ദുർഗ്ഗം ദരിദ്രനു തണലും നീ
കഷ്ടത്തിൽ കോട്ടയും ശരണവുമേ

കാണുന്നു ഞാൻ ബലമുള്ള പട്ടണം
രക്ഷയതിന്‍റെ മതിലും കൊത്തളവും
യാഹിലാശ്രയിക്കും സ്ഥിരമാനസൻ
പൂർണ്ണ ശാന്തിയിൽ പാർക്കുമവിടെ

സാദ്ധ്യതകൾ തീർന്നാൽ സാരമില്ല
സാഗരത്തെ കരതലത്തിൽ വഹിക്കുന്നോൻ
സാദ്ധ്യമാക്കിത്തീർക്കും ജയമവൻ നൽകീടും
അസാദ്ധ്യമാം വാതിലുകൾ തുറക്കും

യാഹിൽ ശാശ്വതമാം പാറയതിൽ
ആശയം വെച്ചിടും അവനിൽ ശാശ്വതമായ്
നിർത്തിടും വൻ കൃപയിൽ ഉയർത്തിടും വൻഭുജത്തിൽ
ചേർത്തിടും താൻ പാർക്കും വിൺഭവനേ

തകർക്കാൻ പാഞ്ഞെടുക്കും ശത്രുവിൻമേൽ
തകർക്കുന്ന ജയമവൻ നമുക്കായ് നൽകിടുമേ
ഒരുക്കിടും മേശയവൻ പകർന്നിടും തെലമവൻ
ഇരുത്തിടും താൻ സ്വർഗ്ഗീയ സിംഹാസനേ