കൃപ മതിയേ കൃപ മതിയേ എനിക്കു നിൻ കൃപ

കൃപ മതിയേ കൃപ മതിയേ
എനിക്കു നിൻ കൃപ മതിയേ
ബലഹീനതകളിൽ ബലത്തോടെ കാത്തിടും
എനിക്കു നിൻ കൃപ മതിയേ

കാററും മഴയും കാണുകില്ലെന്നാലും
താഴ്വര വെള്ളത്താൽ നിറഞ്ഞിടുമെ
നിനവുകളെപ്പോലും കാത്തിരുന്നോൻ
നിനക്കായ് നൻമയെ കരുതിടുമെ (2)

കൈപ്പത്തിപോൽ ചെറുമേഘത്തുണ്
ഉയർന്നിടുന്നാഴിയിൻ നടുവിലായി
അയയ്ക്കുമതിൻ പിൻപേ വൻമാരിയെ
കേൾക്കുന്നുണ്ടായതിൻ ഇടിമുഴക്കം (2)

ആഴങ്ങൾ നടുവിൽ തുറന്നിടുമേ
അത്ഭുതമാം വഴി തൻ മക്കൾക്കായ്
ശ്രതു അതിൽ മുങ്ങിത്താണിടുമ്പോൾ
തൻമക്കൾ തപ്പോടെ നൃത്തം ചെയ്യും (2)