ലോകശോക സാഗരെ നീ മുങ്ങുമ്പോൾ

ലോകശോക സാഗരെ നീ മുങ്ങുമ്പോൾ
ആകുല പാത്രവാനായ് നീ തീരുമ്പോൾ
കർത്തൻ വർഷിപ്പിക്കും അനുഗ്രഹങ്ങൾ
എത്ര എന്നു ചിന്തിച്ചേറ്റം മോദിക്ക

എത്ര മോദമുണ്ടീന്നേരത്തിൽ
ദൈവത്തിൻ കരുണയോർക്കുമ്പോൾ
ഉല്ലസിക്കാം ഭാരവാഹിയേ
ഈശൻ ഏറ്റം കരുതുന്നു നിനക്കായ്

പ്രാപഞ്ചിക ചിന്തയാൽ വലയുന്നോ?
ക്രൂശു വഹിപ്പാനേറ്റം പ്രയാസമോ?
സന്ദേഹം വേണ്ടാ നീ കാണും ആശ്വാസം
ഇന്നേരം രക്ഷകൻ പാദം ചേർന്നീടിൽ;- എത്..

നശ്വരമാം ധനത്തെ നീ കണുമ്പോൾ
ലേശം വിഷാദം അസൂയയും വേണ്ടി
ശാശ്വതം നിൻ സ്വർഗ്ഗത്തിലെ നിക്ഷേപം
യേശു വാഗ്ദത്തം ചെയ്തല്ലോ നിനക്കായ്;- എത്ര…

കല്ലോല തുല്യമാം അല്ലൽ വന്നീടിൽ
തെല്ലും ഭീതി വേണ്ടല്ലോ മനതാരിൽ
കർത്തൻ നൽകും ആശിസ്സുകൾ ഓർത്തേവം
സ്വർഗ്ഗം ചേരും നേരംവരെ മോദിക്ക;- എത്ര…