നീ എന്നെ നിനക്കായ് തിരഞ്ഞെടുത്തു

നീ എന്നെ നിനക്കായ് തിരഞ്ഞെടുത്തു
നിൻ മനം പോലെ എന്നെ മെനെഞ്ഞെടുത്തു
നിൻ ഹിതം ചെയ്വാൻ എന്നെ വാർത്തെടുത്തു
നിൻ സുതനായ് എന്നെയും ദത്തെടുത്തു

ഹീനപാത്രമല്ലിനി ഞാൻ മാനപാത്രമേ
കോപപാത്രമല്ലിനി ഞാൻ കരുണാപാത്രമായ്
പുറം പാത്രമല്ലിനി അകം പാത്രമേ
പച്ചവെള്ളപാത്രം മെച്ചം വീഞ്ഞുപാത്രമായ്

നിൻ ആത്മാവെന്നുള്ളിൽ ക്രിയചെയ്തു
നിൻ വചനം എന്നെയും ജീവിപ്പിച്ചു
നിൻ രക്തത്താലെന്നെയും ശുദ്ധിചെയ്തു
നിൻ ആത്മശക്തിയാലെ ഞാൻ നിറഞ്ഞു;-

നിൻ വാർത്ത എങ്ങും ഞാൻ ഘോഷിച്ചിടാൻ
നിൻ വാക്കു ഞാൻ എന്നും പാലിച്ചിടാൻ
നിൻ പാതേ എന്നെന്നും ഓടീടുവാൻ
നിൻ കൃപ തന്നെന്നെയും പോഷിപ്പിച്ചു;-

അന്യൻ പരദേശി അല്ലിഹേ ഞാൻ
ഉന്നതനാം സ്വർഗ്ഗരാജ്യ പൗരൻ
എന്നെ കരുതാനും കാത്തിടാനുമായ്
ധന്യ സ്വർഗ്ഗസേന ചുറ്റുമുള്ളതാൽ;-