നിന്‍റെ വിശ്വാസത്തോണിയിൽ കർത്തനുണ്ടോ?

നിന്‍റെ വിശ്വാസത്തോണിയിൽ കർത്താനുണ്ടോ?
അവൻ അമരത്ത് തല വെച്ചു മയങ്ങുകയോ?
ഉണർത്തീടുക മനമെ ഉണർത്തീടുക
ദിനം പ്രതികൂല കാറ്റുകളടിച്ചീടുന്നു

കഷ്ടത പ്രയാസങ്ങൾ വരും സമയം-നിന്‍റെ
ആശ്വാസദായകൻ അരികിലുണ്ട്
രോഗക്കിടക്കയിൽ സൗഖ്യമേകിടാൻ
ആണി പഴുതുള്ള കരവുമായ് അരികിലുണ്ട്;- നിന്‍റെ…

വീണ്ടും വരാമെന്നു വാക്കു തന്നവൻ- വാനിൽ
കാഹളധ്വനിയുമായ് വരും സമയം
ഒരുങ്ങീട്ടുണ്ടോ മനമേ ഒരുങ്ങീടുമോ- പ്രിയൻ
കൂടെ വസിപ്പതിനായ് ഒരുങ്ങീട്ടുണ്ടോ?;- നിന്‍റെ…